រូបមន្តធ្វើ ទឹកកក បានរហ័សបំផុត !

កំប្លែង…

រូបមន្ត ទឹកកកប្លកចយ !

ប្លកចយ ធំជំទង់ហើយហើយមានរាងរៅសង្ហាស្រស់ស្អាតគួរអោយមិត្តរួមថ្នាក់
ស្រឡាញ់ចូលចិត្តគ្រប់គ្នា។ ម្យ៉ាងទៀត ប្លកចយ ពូកែប្រឌិតរឿងកំប្លែងអោយ
បានសើចសប្បាយក្នុងថ្នាក់ម្តងៗផងដែរ។ គេកំពុងរៀននៅវិទ្យាល័យមួយក្នុង
ភូមិរបស់គេ។ ថ្ងៃមួយបន្ទាប់ពីគ្រូផ្នែកគីមីវិទ្យាបានបង្រៀនអំពីទឹកចប់ហើយ
ដល់ពេលចេញលេងល្មម។ គ្រូចេញបាត់ ប្លកចយ ស្ទុះវឹងទៅក្តារខៀនទាញ
អារម្មណ៍មិត្តរួមថ្នាក់ដោយលុបរូបមន្តទឹកនៅលើក្តារខៀនចោលបណ្តើរហើយ
និយាយទៅកាន់មិត្តរួមថ្នាក់បណ្តើរ ‌‌‌” អ្នកទាំងអស់គ្នាដឹងអំបាញ់មិញហើយថា
ទឹក ផ្សំដោយហាយដ្រជីននិងអក់ស៊ីជីន(អ៊ីដ្រូហ្សែននិងអុកស៊ីហ្សែន) អីឡូវខ្ញុំ
នឹងបង្ហាញរូបមន្តគីមីមួយបន្តទៀតពីរបៀបធ្វើ ទឹកកក យ៉ាងងាយបំផុតដែល
នរណាក៏ធ្វើបាន ” រួចក៏តាំងចាប់សរសេរខ្វោកៗលើក្តារខៀនទាំងញឹមៗនិង
ពន្យល់បណ្តើរផងថា “ដើម្បីបានទឹកកក គ្រាន់តែយកបាយកកមកលាយទឹក
ធម្មតាហើយកូរវាទៅអោយរលាយចូលគ្នាបានជាល្បាយស្មើសាច់មួយ រួច
ស្រង់យកតែកាកបាយហ្នឹងចេញមក បានទឹកកកហើយ មើលរូបមន្តនេះទៅ”


បាយកក + ទឹក = បាយ + កក + ទឹក = ទឹក + កក + បាយ
ទឹក + កក +បាយ – បាយ = ទឹក + កក = ទឹកកក

( គេកំពុងស្ទុះប្រញ៉ាយមកដេញចាប់វាយនិងក្តិចប្លកចយតិចៗដោយខ្នាញ់! )

---