jump to navigation

ពេលរលឹមស្រិចៗ 30/03/2010

Posted by achharia in កំសាន្តកំប្លែង, ចំណេះដឹងទូទៅ, ផ្សេងៗ, ព៌តមានវិទ្យា, អក្សរសាស្ត្រនិងអក្សរសីល្ប៍, CSS.
trackback

 

in the rain

 


in the rain


in the rain

in the rain

in the rain

in the rain

 

(សាកល្បងកំណាព្យ បទកាកគតិ)

រលឹមស្រិចៗ..

រលឹមស្រិចៗ បងចាំជានិច្ច អូនក្តិចខ្ញាំបង
ក្តិចទាំងញញឹម ក្តិចព្រោះស្នែហ៍បង ក្តិចផ្ញើផ្តាំផ្សង
ប៉ងជួបជាគួ ។

រលឹមស្រិចៗ បងចាំមិនភ្លេច ក្តិចមិនបន្ធូរ
ក្តិចស្ទាបស្ទង់ចិត្ត ​ ក្តិចច្បិចជាប់យូរ តើបងប្តូរស៊ូ
ទ្រាំអូនបានទេ ។

រលឹមស្រិចៗ ខ្យល់បក់ពីលិច​ បងនឹកមាសមេ
ពពិចក្រាបពង បងនឹករឿងស្នេហ៍ កាលយើងទាំងទ្វេ
ថ្នាក់ថ្នែថ្នមគ្នា ។

រលឹមស្រិចៗ ភ្លៀងស្រក់តិចៗ តែចិត្តព្យោមា
ចិត្តបងកញ្ជ្រោល រកកែវពុំងា អូននៅទីណា
ចារតបបងផង… ។

——————————————


( អូននៅសែនឆ្ងាយ អូនឃ្លាតតែកាយ តែចិត្តនួនល្អង
នឹកថ្លៃជានិច្ច ឃើញកំណាព្យបង ទើបតបឆ្លើយឆ្លង
ឧិ្យបងស្បើយចិត្ត ។

អូននៅសែនឆ្ងាយ បេះដូងឆោមឆាយ នៅតែអាណិត
ស្រឡាញ់រូបបង ជាប់ទុកក្នុងចិត្ត ទោះព្រហ្មណ៍លិខិត
កំរិតឧិ្យឃ្លាត ។

អូននៅសែនឆ្ងាយ អូនស្រណោះស្ដាយ ឆ្ងាយស្រុកឆ្ងាយញាតិ
ឆ្ងាយទាំងរូបបង ត្រូវព្រាត់ព្រោងព្រាត របបចោលម្សៀត
គ្មានជាតិណាដូចត្រាប់។ )

 


 

មតិ»

1. ហនុមាន - 30/03/2010

ហើយចុះកូនអ្នកណាក៏ចិត្តល្អម្លេះលោកអើយ ? អោយសភ្លឹងដូចពងមាន់បកដាក់ទឹកត្រីតាហ្មង ! 😀

achharia - 30/03/2010

.
អញ្ចឹងយកតែបាយកកទៅ ម្ទេសនៅក្រោយដើមល្ហុងនោះមាន
ស្រេចពីរបីដើមហើយ កំពុងរលឹមស្រិចៗដូច្នេះបាយឆ្ងាញ់ណាស់
ហើយគ្រលំភួយក៏ឆ្ងាញ់ដែរ !
អរគុណ ហនុមាន បានមកលេងនិងលបមើលគេងូតទឹកភ្លៀង
ជាមួយខ្ញុំផងដែរ ! 😛
.

ហនុមាន - 30/03/2010

គ្រលំភួយនឹងបាយឆ្ងាញ់ ម្យ៉ាងដែរ តែយ៉ាប់ដល់ពេលជុះ(បត់ជើងធំ) អាលឹមច្រិចៗ គឺយ៉ាប់តាហ្មង បើលេងពីលើផ្ទះបានប្រហែលអត់ចុះដីរ៉េខ្ញុំ ! 😀 និយាយពីម្ទេសអាចឹង ខ្ញុំយ៉ាប់តាហ្មង អាចូលក៏ហឺល អាចេញក៏ហឺល យ៉ាប់តែឡាបូត ! កម្មតាហ្មងជាតិនេះ ! 😀

achharia - 30/03/2010
ក្មេងស្រែ - 31/03/2010

ចូលទៅក្រហល់ ចេញមកក្រហាយ មែនទេ បងហនុមាន? 😀

2. peehs07 - 31/03/2010

រលឹមស្រិចៗ ចុះមិនឃើញ ពពិចចូលពង?

achharia - 31/03/2010

.
រលឹមស្រិចៗ មិនឃើញហើយម៉េច ពពិចចូលពង?
មានតែពពិច លួចមើលក្រោយខ្នង ដៃមួយស្ទាបព៉ង
ក្តោបផងញ័រញាក់ 😀 ។

អរគុណ peehs07 ដែលបានមកលេងដល់ប្លកខ្ញុំ ។
.

3. ហនុមាន - 31/03/2010

រលឹមស្រិចៗ ពពេចចូលពង លូកដៃពីក្រោយខ្នង ប្រលេះឡេវអាវ
ដោះចុះដោះឡើង ដោះឡើងធំពើង របើងជើងមុង ពីក្រៅដល់ក្នុង មុងនៅចុងជើង ! ចុមមេចអាចុះ ? 😀
ហេស ចុះក្តោបអីទៅដល់ញ័រញាក់ ម្លោះ ឆាយ៉ា ? 😀

achharia - 31/03/2010

.
ភ្លៀងរលឹមស្រិចៗដូចរលឹមប៉ាច្រែដែរ ដល់យូរទៅ នៅតាមខ្ទមស្រែ
ខ្ទមចំការត្រជាក់ណាស់ ហើយមុខតែរងារដល់ថ្នាក់ញ័រញាក់ហើយ ។
នឹកឃើញកាលសម័យខ្មែរក្រហម ពេលរលឹមច្រែ បានបារីស្លឹកសង្កែរ
ជក់ក្បែរដំបូក អូយ! អីក៏ឆ្ងាញ់ម្ល៉េះកាលនោះ ! 😀
.

ហនុមាន - 31/03/2010

អរគុណដល់កំណាព្យខាងលើ ពិរោះមែន ! ជក់ឯណា បើខ្ញុំមិនដែលប៉ះ បារី ឬ ក៏ថ្នាំ មួរដៃ បានម៉ាដើម រ៉េ !

achharia - 01/04/2010

.
បើមិនធ្លាប់ជក់ កុំផ្លុយប្រថុយ !
ជក់បង្ហុយ ប្រុយៗ ! អត់បានការអីមែនហ្នឹង ។
.

4. SAM - 01/04/2010

ឃើញទិដ្ឋភាពចឹង ដូចជាសប្បាយផង ស្រងះស្រងោចផងម៉េចទេ?
យប់់ងងឹត ទេដឹង ភ្លៀងធ្លាក់់ស្រិចៗ..តែមិនដឹងយ៉ាងណារូបភាពបែរ
ជាថតបានឃើញរុក្ខជាតិបៃតងស្រស់់ ជាមួយផ្ទះកសិករ ពាងទឹក និង
នារីខ្មែរ ម្នាក់់ដែលបែរខ្នង ដាក់់ មិនដឹងថា មុខមាត់់យ៉ាងម៉េច? ឃើញតែរូបរាងពី
ក្រោយ…!អោយអ្នកមើលស្រមៃលេងទៅមើល ក្នុងទេសភាព កំសត់់
ចឹង បើគ្មានអ្វីគួរអោយព្រួយបារម្ភទេ ទោះជាធ្វើកសិករក្រីក្រ ក៏អាចសប្បាយ
ចិត្តដូចអ្នកមានដែល ងូតទឹកក្នុងអាងទឹកក្នុងបន្ទប់់ទឹកស្រស់់ស្អាតមានភ្លើងអគ្គិសនី ក្នុងទីក្រុងធំ ។

achharia - 01/04/2010

.
សូមកុំជឿតាមឃើញក្នុងរូបភាពពេក ជាមួយហ្វូតូសប់ និងកម្មវិធី
មួយចំនួនទៀត រូបយ៉ាងម៉េចក៏គេឆ្នៃប្រឌិតបានដែរ ឧទាហរណ៍
កណ្តុរធំជាងឆ្មា ឆ្មាថើបឆ្កែ ឆ្កែពាក់កាប៉ូរ៉ាល់បើកឡានកាត់ហ្វូង
ឧត្តមសេនីយ៍ឧិ្យក្រោកឈរគោរពព្រាតក៏បានដែរ ..។ល។

សេចក្តីសុខ ស្ថិតនៅក្នុងការកំណត់របស់មនុស្សម្នាក់ៗ ខ្លូនឯង !

ចាស់ៗច្រើនដំណាលលេងនឹងគ្នាថា
ផ្ទះថ្មដូចតែផ្ទះស្បូវ ដលរល់ត់ភ្លើងទៅ ល្ងិតដូចតែគ្នា !
ខ្លះថែមល្បោយថា ….តែរលត់ភ្លើងទៅ ស្រវារាវរកដូចតែគ្នា ! 😛
.

5. កួរ​ស្រូវ - 03/04/2010

ក្រោយ​ពី​បាន​បាត់​មុខ​​បាត់​មាត់​ពី​ដែន​ដី​ WordPress ដ៏ល្អ​ស្រស់​ត្រកាល​ អស់​មួយ​រយៈ​កន្លង​មក ខ្ញុំ​បាទ​មាន​ការ​ក្តី​នឹក​រលឹក​ជា​ពន្លឹក​ ដល់​ប្រជានុរាស្ត្រ​នៃ​​នគរ​​សិប្បនិមិត្ត​​ ដែល​ពោរពេញ​ដោយ​សេរីភាព​​​មួយ​​នេះ​។ តើ​អស់​លោក​អ្នក​នាង​កញ្ញា​​ទាំងអស់​គ្នា​ សុខ​ទុក្ខ​ជា​ធម្មតា​ទេ​​?​

ឆាក​ជីវិត​របស់​យើង​ម្នាក់​ៗ តែង​តែ​បន្ត​ដំណើរ​ទៅ​មុខ​ជា​ដរាប ទោះ​ជាមាន​​រឿង​ល្អ​និងឬ​អាក្រក់​កើត​មាន​ឡើង​ ចំពោះ​រូប​យើង​យ៉ាង​ណា​ក៏​ដោយ​។ ដូចនេះ ដើម្បី​ចូល​រួម​បង្កើត​បរិយាកាស​ដ៏​រីករាយ និង​ពោរ​ពេញ​ដោយ​ក្តី​សង្ឍឹម​ សម្រាប់​​ជីវិត​របស់​យើង​ទាំងអស​គ្នា ខ្ញុំ​បាទ​នឹង​​ចាប់​ផ្តើម​ថត​និង​ចុះ​​ផ្សាយ​​ ខ្សែ​ភាពយន្ត​ប្រឌិត (Machinima) រឿង “ ឥន្ទ្រី​ខៀវ” សារ​ជា​ថ្មី​ម្តង​ទៀត​។ ហើយ​ខ្ញុំ​បាទ​សន្យា​ថា នឹង​ខិត​ខិត​ឲ្យ​អស់​ពី​កម្លាំង​កាយ​ចិត្ត ដើម្បី​ធ្វើ​ខ្សែ​ភាពយន្ត​ប្រឌិត​ថត​ថ្មី​នេះ អាច​ក្លាយ​​ជា​ចំណី​អារម្មណ៍​ដ៏​ពេញ​ចិត្ត​មួយ​ សម្រាប់​អស់​លោក​អ្នក​នាង​កញ្ញា​​ទស្សនា នៅ​ពេល​ទំនេរ​។ ទន្ទឹម​នឹង​នេះ​ដែរ ខ្ញុំ​បាទ​នឹង​រង់ចាំ​ទទួល​យក​ជានិច្ច នូវ​គ្រប់​​ការរិះគន់​កែ​លម្អ​ទាំងឡាយ​ណា​ ដែល​អាច​ធ្វើ​ឲ្យ​ខ្សែ​ភាពយន្ត​ប្រឌិត​របស់​ខ្ញុំ​បាទ​ មាន​លក្ខណៈ​កាន់​តែ​ល្អ​ប្រសើរ​ឡើង​។ ខ្សែ​ភាពយន្ត​ប្រឌិត​របស់​ខ្ញុំ​បាទ នឹងត្រូវ​ចុះ​ផ្សាយ​នៅ​លើ​គេហទំព័រ​ថ្មី​របស់​ខ្ញុំ​បាទ​ ដែល​មាន​អាស័យដ្ឋាន​ដូច​តទៅ​នេះ http://vuthdevelop.blogspot.com/

សូម​ទទួល​យក​នូវ​ការរាប់អាន​ដ៏​ខ្ពង់ខ្ពស់​ពី​ខ្ញុំ​បាទ

កួរ​ស្រូវ

achharia - 03/04/2010

.
អរគុណ កួរស្រូវ ច្រើនចំពោះដំណឹងនេះ និង សូមបានជោគជ័យរាល់បំណងល្អៗ !
.

6. កួរ​ស្រូវ - 08/04/2010

ក្រោយ​ពី​បាន​បញ្ចប់​ការសិក្សា​នៅ​វិទ្យាល័យ​រួច​មក កម្លោះ​ដ៏​ស្រស់​សង្ហារ​ម្នាក់ ​​​ដែល​មាន​ឈ្មោះ​ថា កែវ បញ្ញាវុធ បាន​ទៅ​ប្រឡង​​ប្រជែង​ចូល​ធ្វើ​ជា​​ទាហាន​ទ័ព​អាកាស​នៅ​ក្នុង​​កង​ខេមរ​ភូមិន្ទ​​នៃ​ព្រះរាជាណាចក្រ​​កម្ពុជា​។ដោយសារ​រូប​គេ​​ធ្លាប់​ជា​​សិស្ស​ឆ្នើម​​នៅ​ក្នុង​មុខ​វិជ្ជា​គណិតវិទ្យា និងធ្លាប់​​មាន​ឈ្មោះ​​ល្បីល្បាញ​ខាង​ដោះ​ស្រោយ​លំហាត់​គណិតវិទ្យា ​បាន​យ៉ាង​លឿន​រហ័ស​​​ដូច​ផ្លេក​បន្ទោរ​ កម្លោះ​ កែវ បញ្ញា​វុធ ​ក៏​បាន​​ប្រឡង​ជាប់ និង​ត្រូវ​បាន​ជ្រើសរើស​​ជា​អាកាសយានិក ​​សម្រាប់​ការបើកបរ​យន្តហោះ​ប្រដេញ​​​ដ៏​ទំនើប​បំផុត​ បើ​អាច​ធ្វើ​ទៅ​បាន​។

ដោយ​នៅ​ក្នុង​ព្រះ​រាជាណាចក្រ​កម្ពុជា ពុំ​ទាន់​មាន​សាលា​​កង​ទ័ព​អាកាស និង​គ្រូ​បង្វឹក​​​​ដែល​មាន​ជំនាញ​គ្រប់គ្រាន់​ ក្នុង​ការបង្ហាត់​បង្រៀន​ក្រុម​អាកាសយានិក​នៃ​យន្តហោះ​ប្រដេញ កម្លោះ​ កែវ បញ្ញាវុធ ក៏​ត្រូវ​បាន​​អគ្គបញ្ជាការ​នៃ​កងទ័ព​អាកាស បញ្ជូន​ឲ្យ​ទៅ​រៀន​នៅ​​​ស​ហព័ន្ធ​រុស្ស៊ី​​។
អាន​បន្ត>>


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: