ឈ្មោះអ្នកចេញព៌ណអី ?

សួស្ដី អ្នកទាំងអស់គ្នា !

រហូតមកទល់ពេលនេះ ប្លករបស់ខ្ញុំនៅតែគ្មានអ្វីអោយឃើញថាបាន
ជាប្រយោចដុំកំភូនដដែល ។ ភាគច្រើនដើរចម្លងយកតែពីគេពីអែង
ស្រាប់ៗមកដាក់រួចថែមថយម្រេចខ្ទឹម ដូចពួកអ្នកចំរៀងរ៉ិភដែរ ចាក់
បទគេមួយប្រាវ និយាយថែមមួយប្រាវពីរចប់បានមួយបទ ។ តែយ៉ាង
ណាក៏ខ្ញុំនៅតែគិតថា បានបើកប្លកមួយនៅវើដប្រែសនេះពិតជាមិនអត់
ប្រយោចសោះទេសំរាប់ខ្ញុំ យ៉ាងហោចណាស់ក៏វាជាកូនឃ្លាំងមួយសំរាប់
ដាក់អីវ៉ាន់កំប៉ិកកំប៉ុកបានដែរ គ្រាន់ក្រវ៉ែលម្ដងៗពេលចាស់ទៅទៅណា
មិនបានឆ្ងាយ។

ថ្ងៃនេះក៏គ្មានអ្វីសំខាន់ តែដើម្បីកំដរអ្នកដែលបានឈៀងចូលមើលមួយ
ភ្លែតៗ ក៏រកនឹករំលឹកពីបាលីសីល្ប៍ខាបរបស់មួយអោយចេញមកនិងបំបាំង
អោយបាត់ទៅវិញ ដែលជាទីពេញនិយមក្នុងពិភពពួកវេបឌីសាញនិងពួក
វេបឌីវើឡភើដែរ។ មិនមែនដូចថា ឧមសិទ្ធីស្វាហាយៈ ទេ គឺថាយ៉ាងនេះ
onclick=”elementIDname.style.display=’none'” ដើម្បីធ្វើអោយ
element ណាមួយវាបាត់ដោយចុចម៉ៅស៍ពីលើអ្វីមួយផ្សេង ហើយនិង
onmouseover=”elementIDname.style.display=’block'” ដើម្បីជប់
អោយវាចេញមកវិញដោយគ្រាន់តែអូសម៉ៅស៍កាត់ពីលើអ្វីមូយដដែលនោះ។

មួយទៀតតាមរយៈភាសា javascript នេះ អាចអោយគេសាកល្បងបាន
ថាតើឈ្មោះណាមួយដែលសរសេរជាភាសាឡាតាំងត្រូវនឹងព៏ណអ្វីដែរ ។
ដូចឃើញជាឧទាហរណ៍ក្នុងរូបខាងក្រោម ឈ្មោះខ្ញុំសរសេរជាឡាតាំងថា
achharia ត្រូវនឹងកូដព៌ណរបស់ភាសា html ជាព៌ណក្រហមឈាមជ្រូក ។


 
ចុះឈ្មោះរបស់អ្នកវិញ ចេញជាព៌ណអ្វីដែរ ? សូមចុចលើរូបឬទីនេះដើម្បីសាកល្បង ។
ឬក៏ថាមុននឹងដាក់ឈ្មោះកូនចៅ សាកល្បងរកអោយត្រូវព៌ណស្អាតៗសិនផងក៏បាន។

 
 

---

---

---

  
 

Advertisements