KI MEDIA ធុំក្លិនមិនស្រួល

ប្លក ឃីមីឌីយា នៅខាងប្លកស្ប៉ត់ធុំក្លិនដូចអត់ស្រួល

តាមដំណឹងផ្សែងៗថាប្លក ឃីមីឌីយា ដែលមានអាស័យដ្ឋានវែប
http://ki-media.blogspot.com
អាចនឹងត្រូវបិទនៅចុងខែធ្នូនេះ។ បានរឺមិនបានចាំមើលមើល៍ !

…
( សូមបើកវង់ក្រចកនិទានសង្ខេបរឿងកំប្លែង ញោម!ខន្តីញោម! បន្តិចសិន។ មានលោកសង្ឃបួនប្រាំអង្គនិមន្តទៅបិណ្ឌបាត្រតាមផ្ទះអ្នកស្រុក ។
ដល់មុខផ្ទះមូយ លោកកំពុងឈរនៅរង់ចាំការយកអាហារមកប្រគេន មានប្តីប្រពន្ធ
ពីរនាក់កំពុងតែឈ្លោះគ្នានៅក្បែរ។ ប្រពន្ធកាចឆ្នាស់ជាងប្តី ជេរផងដេញវាយផង
គប់តំរង់ប្ដីមិនថាដុំដីដុំថ្មដំបងកាំបិតពូថៅ ប៉ះអីយកនោះ។ ប្តីភ័យរត់គេចទៅពួនជ្រក
ពីក្រោយខ្នងលោក ម្ដងគេចឆ្វេងម្ដងគេចស្ដាំ។ លោកឃើញដូច្នោះចេះតែមានពុទ្ធដិកា
ថា ញោមខន្តី! ខន្តីញោម!…ញោមៗ ខន្តី!..ៗ! ទាំងស្រៀវត្រូវព្រះកេសដែរ ។
គឺលោកព្យាយាមឃាត់ទាំងប្តីទាំងប្រពន្ធនោះថាឧិ្យអត់ធ្មត់កុំប្រើហឹង្សាតបតដាក់គ្នា ។
ប្តីអាងលោកនៅពាំង តោងស្បង់លោកគេចចុះគេចឡើង់។ លោកក៏ចេះតែបន្តឃាត់
ខន្តីញោម ! ៗ​ ! ៗ !។ ប្រពន្ធនៅតែបន្តអំពើហឹង្សា។ ស្រាប់តែផស៎! ដុំដីរឹងដូចថ្ម
មួយដុំទៀតហោះខុសពីប្តីមកចំព្រះកេសលោកអង្គដែលឃាត់នោះបណ្តាលឧិ្យពកបែក
ឈាមតិចៗនិងឈឺជាខ្លាំង។ ដល់ប៉ះតេជគុណ ដែកគុនឈឺខ្លាំងដល់ថ្នាក់រកខន្តីដាក់
ខ្លួនអាត្មាក៏លែងបាន លោកក្ដៅម៉ាងដែរក៏និយាយទៅកាន់បុរសជាប្តីនោះថា ៖
-ម៉ោះញោម! កាន់បាត្រឧិ្យអាត្មាសិន
ទុកឧិ្យអាត្មាម្ដង…អញទៅសំពងមីនេះឧិ្យចោម្រ៉ាយវិញម្រ៉ង ! 😆
…ចប់ ។ )

អញ្ចឹងហើយបានជាថា
ការអត់ធ្មត់ ក៏មានព្រំដែនរបស់វាដែរ ។ ទុកឧិ្យអាត្មាម្ដងញោម* ! 😆

ចុចតាមតំណខាងក្រោមដើម្បីអានពត៌មាននិងសាច់ក្តីលំអិតជាង

-រដ្ឋាភិបាល​នឹង​បិទ​គេហទំព័រ KI នៅ​ចុង​ខែ​ធ្នូ( ពីជ្រុង អាសីសេរី )
 
-Plan to shut down KI-Media at the end of December (ពីជ្រុង ខេអាយ)

 
*ខន្តី : គឺការចេះអត់ធ្មត់និងអត់អោន ការមិនមានកំហឹងហឹង្សាតបត ការមានអធ្យាស្រ៏យ។
*ញោម : ជាពាក្យដែលលោកសង្ឃ(បព្វជិត)ប្រើសំរាប់ហៅមនុស្សធម្មតាមិនមែនជាអ្នកបួស(គ្រហស្ថ)
ឬសំរាប់ហៅពុកម្តាយរបស់លោក ឬសំរាប់ចាស់ទុំជាងលោកដែលគួរជាទីគោរពគួរសម ។
 
 

---

---

---