នៅពេលដែលលេខ២នឹងលេខ១០ត្រូវបានគេច្រឡំគ្នា

 
រឿងកំប្លែង
 
អ៊ុទាហរណ៍មួយ៖ ភាពខុសគ្នារវាង២ដបម៉ោង១០និង១០ដបម៉ោង២ !
 
ចុងអាទិត្យនេះ នាយច្រូចថៅកែចំការក្រូចនៅភូមិវើដប្រែស្សនេះត្រូវ
បានប្រពន្ធអនុញ្ញាតអោយទៅស៊ីផឹកជប់លៀងជាមួយមិត្តភ័ក្តនៅក្រៅ
ផ្ទះ​ដោយមានដាក់លក្ខខ័ណ្ឌមួយយ៉ាងសមសួន​ល្មមទទួលយកបាន
ទាំងសងខាង ។
មានអី… នៅម៉ោង២គត់រំលងអធ្រាតនាយច្រូចស្រវឹងដាប ដំណើរត្រេត
ត្រូតខ្លួនធំក្លិនល្មុតទុំហួងមកគោះទ្វារហៅប្រពន្ធអោយបើកទ្វារអោយ ។
ប្រពន្ធខឹងណាស់ ទាំងហ្មួហ្មងចិត្តផងបើកទ្វារខ្វាកចាប់ញឹងត្រចៀកប្តីអូស
យកទៅសួររំលឹកពីលក្ខខ៍ណ្ឌដែលព្រមព្រៀងមុនទៅផឹកថា ផឹករួមគ្នាកុំអោយ
លើសពី២ដបហើយត្រូវមកផ្ទះកុំអោយហួសពីម៉ោង១០ មានគោរពតាមទេ។
នាយច្រូចតបទាំងសំលេងបង្អូសវែងៗថា “អូ៎! កាលនាំគ្នាផឹកទើបអស់ដល់
ដបទី២បងចេះតែនឹកសង្ស័យបណ្តើរៗដែរថា បងស្រៀវតែច្រឡំគ្នាទេអាពីរ
លេខហ្នឹង ចាំមិនច្បាស់ថាអាណាលេខសំរាប់សំបកដប អាណាលេខម៉ោង
ត្រូវមកអោយដល់ផ្ទះ… ថាច្រឡំ​ ច្រឡំមែន ! ”
 

 
អ្នកខ្លាចសត្វព្រៃសាហាវមាន ពស់ ខ្លា ដំរី ជាដើម ?
ខ្លាចអាវុធគ្រោះថ្នាក់នានាមានកាំភ្លើង គ្រាប់បែក កាំបិតពូថៅ ព្រួញ​ដាវលំពែង
ដែលអាចផ្ដាច់ជីវិតអ្នកបានយ៉ាងណា ក៏គួរខ្លាចស្រាមួយកែវផងដែរ ​។
វាអាចគ្រោះថ្នាក់ជាងសត្វព្រៃសាហាវនិងគ្រឿងអាវុធអស់ហ្នឹងទៅទៀត ជាតិពឹសពុល
ដែលមាននៅក្នុងស្រា មើលមិនឃើញទេ ហើយវាក៏អាចបណ្ដាលអោយអ្នកស្លាប់បាន
ដោយងាយៗដែរ …សូមប្រយ័ត្នផងពេលផឹកស្រា រឺក្នុងទឹកភេសជ្ជៈនានាក៏ដោយដែរ !​
ជាដៃគូនឹងស្រាមានជាតិពុល ច្រើនតែជាស្រីស្អាតៗផងដែរ កុំលង់ភ្លេចខ្លូនអោយសោះ!
 

---

---