ប្រជុំវិសមញ្ញនៃរដ្ឋសភា(១១-តុលា-២០១២)

កំណត់ត្រាផ្ទាល់ខ្លួន(អាចមានការភាន់ច្រឡំបល់គ្នាបាន)៖
 
មើលរេសតានិងរបៀបរើសបោះឆ្នោតព្រមយកសមាសភាពគជបថ្មីនៅរដ្ឋសភា ថ្មីៗក្តៅៗ!
 


 
ឆ្លើយតបទៅនឹងការទទូចញយៗរកគជបថ្មីៗ…ដដែលជាដដែល…
តំណាងរាស្ត្រទាំងអស់ដែលមានវត្តមាននៅសម័យប្រជុំសភាវិសមញ្ញ
នាថ្ងៃព្រហទី១១តុលា២០១២ ទាំង៨៧បានគូសឆ្នោតបោះយល់ព្រមលើ
សមាសភាពគជបថ្មីរួចរាល់បាត់អស់ហើយ។ ទាំងលឺដូចស្ដាប់លឺ និងទាំង
ឃើញដូចមើលឃើញពីរបៀបរាប់សន្លឹកឆ្នោតមួយម្ដងៗលឺរំពងតៗគ្នាពីរៗដង
ដូចសំលេងស្តេរេអូថាព្រមៗ..ៗៗ.ៗៗ…៨៧/៨៧សំលេង គឺ១០០%គិតតែអ្នកទៅ
រឺគិតតែអ្នកនៅ ដែលទាំងអស់ត្រូវមាន​ដល់ទៅ១២៣នាក់រឺកៅអីរឺអាសនៈនោះ
ក៏ដូចជាថា រឺមានន័យថារាស្ត្រទូទាំងនគរបានសំរេចយល់ព្រមរើសដែរ នេះបើ
គិតតាមដូចពាក្យដែលសរសេរនោះហើយថាតំណាងរាស្ត្រ…គឺម្នាក់ៗជាតំណាង
អោយរាស្ត្រដែលជាម្ចាស់ឆ្នោត ជាម៉ែជាអូវ ជាម្ចាស់ទឹកម្ចាស់ដីម្ចាស់ត្រីព្រៃព្រឹក្សា
ហើយជាពិសេសទៅទៀតនោះគឺរហូតដល់ជាម្ចាស់វាសនានៃប្រទេសជាតិ(sic!)ផង
និតតាមពាក្យថាប្រជាធិបតេយ្យ មានន័យខ្លីៗងាយយល់ថារាស្ត្រជា(អ្នក)អធិបតី…
រាស្ត្រជាធំ រាស្ត្រធំជាងពួកល្មឺនមន្ត្រីទៅទៀត?…ដែលផ្ទុយស្រឡះពីសំលេងតែង
អោយលឺពីខាងលើលើមកថា រាស្ត្រតូចតាច រឺរាស្ត្រតតូចតាតាច។ ដល់គិតអ្ចឹងទៅ
រវាងពួកល្មើនមន្ត្រីនិងពួករាស្ត្រ…រាស្ត្រទាំងនៅតាមស្រុកស្រែចំការនិងតាមផ្សារផ្សោ
មិនដឹងជានរណាធំជាងនរណាអោយពិតប្រាកដទេ! បើតាមភាពជាក់ស្ដែង គឺរាស្ត្រ
ហ្នឹងអែងទេជាអ្នកក្រាបអោនសំពះត្រុនៗចំពោះអ្នកធំៗដែលស៊ីប្រាក់ខែរស់ដោយសារ
ប្រាក់ពីរាស្ត្រដែលបង់ពន្ធដារ បង់ភាស៊ី បង់ថ្លៃក្រដាសថ្លៃទឹកប៊ិច ថ្លៃរត់ការ…។ល។
សំនេរមិនបានការ(ស្រួលមិនស្រួលចូលក្នុងគន្លងដែលគេថាបានថា កោកៗសឺក
មាត់ត្រដោក ឆ្អែតពោះក្របី…រឺរហូតទៅដល់ថា ឆ្កែចេះតែព្រូសមនុស្សចេះតែដើរ)
ត្រូវបានគូសឆូតលុបចោលវិញ ។
 

---