រូបមើលកំសាន្តនាថ្ងៃ ១២-១២-១២ 12/12/2012
Posted by achharia in កំសាន្តកំប្លែង, ផ្សេងៗ, រូបកំរើក.Tags: កំសាន្តកំប្លែង, ផ្សឹងៗ, ផ្សេងៗ, រូបកំរើក
trackback
ថ្ងៃនេះជាថ្ងៃដែលត្រូវគេបានកត់ត្រាសំគាល់នឹងគ្នាថា ១២.១២.១២
គឺថ្ងៃទី១២ ខែទី១២(ធ្នូ) ឆ្នាំ២០១២ លេខស្រួលចាំ ស្រួកចំណាំ ល្អមើលផងដែរ។
(យប់នេះអាកាសធាតុត្រជាក់ខ្លាំងដល់-10°Cជាលើកដំបូងនៅស្វ៊ិសZürich-Rapperswil)
the beauty of waterfall
ចំណាំផ្ទាល់ខ្លូន ៖
ថ្ងៃនេះបាន អាប់ដេត(UPDATE) រឺ ផ្លាស់ដាក់ថ្មីពី WinXp servicepack3 ទៅមក Win7
32Bit Ultimate ក្រោយពីប្រយុទ្ធកែខៃកំហុសឆ្គងបែបឡូហ្ស៊ិកលើកុំព្យូទ័រឡិបថុបម៉ាក
Belinea O.Book4 ដោយពុំបានជោគជ័យអស់ពេលជាងពីរកន្លះយប់,គឺដល់ម៉ោង១ជាង
រំលងអធ្រាត២ដង, ទាំងធ្វើអោយឈឺក្បាលផងដែរ ។ បញ្ហាគឺ ស្តាតកំព្យូទ័រអត់បាន វានៅ
ជាប់គាំងពាក់កណ្ដាលទី យកម៉ូឌូសណាក៏ដោយ យកកម្មវិធីដើមដែលបានកាលទិញមក
អ៊ិនស្តាល់វិញអត់បាន…ចង់ហ្វម៉ាត(ឈូស)ថាសដើមចោលអត់បាន វាថាប៉ាទីស្យុងខូច?
( អាចង្រៃអើយ! វាមកពីណាវា ? នៅមើលបានសុខៗសោះហ្នឹង ។)
ចូលទៅបាយ៉ូស ឃើញនៅមានអ្វីៗទាំងអស់នៅឡើយ…ខ្ញុំមានទឹកចិត្តវិញ មិនចោល
វាងាយៗទេ ។ ដំណោះស្រាយចុងក្រោយគឺប្រើកម្មវិធីHIREN ដែលអាចលប់ប៉ាទីស្យូងមេ
ដែលមានបញ្ហានោះចោលបានរួចអោយវាបង្កើតរឺធ្វើប៉ាទីស្យូនថ្មីចែសមួយ ។ …ដោយ
មិត្តភក្តិមានស្រាប់មិនបាច់ទិញ ក៏សំរេចយកWin7 សាកមើលម្តង ។ អីឡូវកំពុងញ៉ែញ៉ុក
ទាក់ទងស្គាល់ Win7 …តើមានអីប្លែកខ្លះ?
ថ្មីៗនេះឃើញថាក្នុងWin7 32Bit Ultimateមានហ្វុងខ្មែរយូនីកូដ១ស្រាប់សំរាប់ចូលមើល
ទំព័រមានអក្សរខ្មែរពុម្ពយូនីកូដបាន ...សុខចិត្តបង្រួញខ្លួនខ្លីច្កុចៗព្រោះរបៀបសរសេរនៅ
តែត្រួតជាន់កគ្នាដដែលៗ ប៉ុន្តែ…តែតាស្តាតួរខ្មែរអត់មានទេ ដើម្បីសរសេរបានទាល់តែ
ដាក់កម្មវិធីខ្មែរយូនីកូដទាំងដុលចូលវិញអាដែល ។
Win7 មាន Snipping Tool និង Audiorecorder អោយប្រើស្រាប់ៗ …
និងកំពុងស្រាវរកបន្ត…
សំរាប់ខ្ញុំ នៅស្រុកខ្មែរអាងតែសំបូររបស់ជជុះថោកៗ… គឺអាចប្រើវិធីងាយៗ ដើម្បីដោះស្រាយបញ្ហានេះ…
វិធីទី១- យកញញួរមកដំពីលើហាតឌីសនោះ ដោយប្រើដៃរាងធ្ងន់បន្តិច… ធានាថា ខ្ញុំនឹងបាត់ឈឺក្បាលភ្លាម ដោយសារតែការអត់ងងុយដើម្បីជួសជុលវា 😀
វិធីទី២- បើរកញញួរដំអត់បានទេ គឺត្រូវកាន់ហាតឌីសនោះ ទៅទន្លេបួនមុខ រួចកំឡាំងដៃចោលវាអោយបានឆ្ងាយពីមាត់ច្រាំង… ពេលហាតឌីសនោះធ្លាក់ចូលក្នុងទឹកទន្លេមុខវាំង ឮសូរភ្លុងទៅ… នោះព្រះអង្គដងកើនឹងជួយដឹងឮ ឬជួយធ្វើជាសាក្សីពីភាព “អស់កង្វល់” នៅក្នុងរឿងឈឺក្បាលនេះបាន… 😀
នេះជាដំណោះស្រាយបែបងាយៗ របស់ខ្ញុំនៅស្រុកខ្មែរយើង… ឯបងនៅស្រុកឆ្វីស គឺមានតែទ្រាំតស៊ូធ្វើវាបែបនេះហើយ ព្រោះថា បើយកវាទៅចោលផ្តេសផ្តាស អាចនឹងត្រូវប៉ូលីសផាក ថ្លៃលើសពីទិញថ្មីទៅទៀត…។ និយាយពីខែធ្លាក់ទឺកកក ខ្ញុំដូចជានឹកភ្នំ Junfraujoch ដល់ហើយ…។ សុខសប្បាយបង… 😀
បាទ អរគុណប្អូន !
ខ្ញុំទើបតែដាច់ចិត្តចោលឡិបថប់អស់ពីរកាលប៉ុន្មានថ្ងៃមុននេះ
ព្រោះមិនចង់ឈឺក្បាលនឹងកែកុនវាផង វាហួសសម័យផង ។
តែអាមួយដែលខ្ញុំមិនទាន់ចង់ចោលនេះ គឺវានៅគ្រាប់បើនៅឡើយ
RAM 4GB, Hard Disk 250GB, Processor Intel(R) Duo CPU
1.50 GHz ….32Bit .។ អីឡូវផ្លាស់ថ្មីដាក់ Win7 32Bit Ultimate
និង Norton Internet Securiy (573Days of subscription remaining)
ចូល គឺកាន់តែអេមជាងមុនដូចគេទើបតែចេញពីហាងកែសំរស់ថ្មីៗ
ច្រឡឹងៗ ក្តៅៗ ហុយៗ.. ដូចឆ្នាំអូន១៦ ! 😀
និយាយពីរឿងទឹកកកធ្លាក់ អីឡូវកំពុងត្រូវដៃអ្នកលេងស្គីទៀតហើយ
មើលទៅណាក៏សក្បុស ត្រជាក់ខ្លាំងដល់ក្រោមសូន្យអង្សារហើយ ។
សូមប្អូននិងគ្រួសារបានសុខសប្បាយដែរ ! 😀
ចង់ទៅឃើញទឹកកធ្លាក់ និង លេងស្គី តែមិនដឹងថ្ងៃណាមានវាសនាបានឃើញទេ ។
សម័យចាយលុយ ។ ពួកឆ្វិសក៏ដូចពួកម្រេច វាភ័យណាស់អារឿង
ទៅស្រុកវាមិនមកវិញ ។ សំខាន់មានអ្នកធានាដែលមានប្រាក់នៅ
បែង្កល្មមធានាគេទៅលេងបាន អ្នកទៅត្រូវមានអ្វីជាសំអាងអោយគេ
ជឿថាទៅលេងហើយមកវិញ ដូចជាមានកាងារធ្វើតាមក្រសួងរឺមាន
ទ្រព្យដូចជាផ្ទះដីធ្លីនៅស្រុកខ្មែរតំលៃច្រើនល្មមគេយកជាការបាន
ដោយបង្ហាញប្លង់គេ….។ល។ …ដូចខ្ញុំនិយាយលេងផងមែនផងមុនៗ
មកហើយ ម្នាក់ៗវាហាក់ដូចជាមានក្រយ៉ៅផង រឿងទៅបរទេសនេះ
ខ្លះមានលុយច្រើនបរិបូរណ៍ក៏នៅទៅមិនបាន ខ្លះកំពុងដឹកគោស៊ីស្មៅ
លើភ្លឺស្រែសុខៗ មានគេមកដណ្ដឹងយកទៅអាម្រេចបាត់ក៏មាន ។
ដូច្នេះ ខ្ញុំថា អោយតែត្រូវបានទៅ គង់តែថ្ងៃណាមួយបានទៅមិនខាន
ទេ ដូចvstheaបានទៅនៅស្រុកថៃដែរ …គន្លងជីវិតអ្ចឹងអែង ! 😀