លទ្ធផលឆ្នោតមិនទាន់ជាផ្លូវការ ៦៨+៥៥+០+០+…= ១២៣

 
 
ទាំងយើងទាំងគេកំពុងតាមដានរវាង CPP & CNRP ។
 
ខ្ញុំក៏កំពុងតាមដានតាមដឹង បានស្ដាប់បានមើលបានឃើញបានអាន
កាត់យល់បានថា លទ្ធផលបោះឆ្នោតមិនទាន់យកជាផ្លូវការគឺថា
៦៨+៥៥+០+០+០+…= ១២៣ កៅអីរឺអាសនៈ ។
 
តាមរយៈការផ្សាយដ៍រហ័សទាន់ចិត្តបំផុតរបស់វេបសៃថ៍ដើមអម្ពិល
…ឃើញថា លទ្ធផលបឋមនៃការបោះឆ្នោតរើសបក្ស/តំណាងរាស្ត្រឆ្នាំ
២០១៣នេះ រវាង CPP និង CNRP មិនស៊ីគ្នាដាច់ភឹងដូចអណត្តិមុនទេ
គឺ ៦៨ ទល់នឹង ៥៥ ( រាងផិតផើយរហើយគូថដែរ )។
ដូចខ្ញុំបានរំពឺងទុកនិងប៉ងចង់ឃើញដែរថា នៅរដ្ឋសភាគួរតែអោយមាន
សំលេងស្របនិងជំទាស់គ្នាអោយបានប្រហាក់ប្រហែលគ្នា…កុំលេងរាល់
ការសំរេចអីម្ដងៗ ឃើញតែខាងក្រុមអ្នកស្របអោយព្រូព្រាត អែខាងក្រុម
ជំទាស់មានតែបួនដប់នាក់អង្គុយម៉ង់ៗ ទោះមិនលើកដៃគាំទ្រក៏ដូចគ្មាន
ន័យអីដែរ ជួនកាលឃើញត្រូវនាំគ្នាដើរចេញផងក៏មាន…។ល។
ដូចគូប្រដាល់ដែរ កុំអោយខុសគីឡូខុសកំពស់គ្នាខ្លាំងពេកបានដាល់គ្នា
ទៅ ល្អមើល។…ខាងណាឈ្នះ មិនបាច់សង្ស័យទេចំពោះអ្នកស្គាល់
ស្រុកខ្មែរបានច្បាស់…តែអ្វីដែលខ្ញុំជក់តាមចាំមើលតទៅទៀតនោះគឺ….
គឺពីក្រុមខ្លះដែលមិនបានឈ្នះនោះ តើគេនឹងធ្វើការតវ៉ាឡាំប៉ាទេ?
ហើយបើសិនជាមាន តើគេនឹងតវ៉ាឡាំប៉ារបៀបណា ???

ចុចលើតំណនេះ រឺលើរូបខាងក្រោមដើម្បីមើលលំអិតនៅវេបសៃថ៍ដើមអម្ពិល

 

---

 
លទ្ធផលសរុបតាមខេត្តនិងរាជធានីដែលខ្ញុំឃើញគេប្រកាសតាមទូរទស្សន៍ជាតិកម្ពុជា
ទទក(នេះគ្រាន់តែជារូបភាពចាប់យកតាមការផ្សាយបន្តពីទំព័រ khmerLiveTV ប៉ុណ្ណោះ)
 

០១ ខេត្តបន្ទាយមានជ័យ

០២——-ខេត្តកំពង់ចាម

០៣ ខេត្តកំពង់ឆ្នាំង

០៤——-ខេត្តកំពង់ស្ពឺ

០៥ ​ខេត្តកំពង់ធំ

០៦ ខេត្តកំពត

០៧——-ខេត្តកណ្ដាល

០៨ ខេត្តកោះកុង

០៩ ខេត្តក្រចេះ

១០ ខេត្តមណ្ឌលគីរី

១១ ខេត្តព្រះវិហារ

១២ ខេត្តពោធិ៍សាត់

១៣ ខេត្តព្រះសីហនុ

១៤ ខេត្តស្ទឹងត្រែង

១៥ ខេត្តកែប

១៦ ខេត្តប៉ៃលិន

១៧ ខេត្តឧត្តរមានជ័យ

១៨ ខេត្តបាត់ដំបង

១៩——-រាជធានីភ្នំពេញ

២០——-ខេត្តព្រៃវែង

២១ ខេត្តរតនគីរី

២២ ខេត្តសៀមរាប

២៣ ខេត្តស្វាយរៀង

២៤ ខេត្តតាកែវ

 
កំណត់សំគាល់៖
ដូចបានសង្កេតឃើញតាមរូបភាពខាងលើនេះ បើ…បើសិនជាថាវាដូចអញ្ចឹងមែននោះ
ខេត្តដែលគណបក្សសង្គ្រោះជាតិខ្មែរបានទទួលសំលេងគាំទ្រច្រើនជាងបក្សប្រជាជន
មានតែរហូតដល់ទៅ៤ខេត្តគឺ កំពង់ចាម កំពង់ស្ពឺ កណ្ដាល ព្រៃវែង និងជាពិសេស
នៅ រាជធានីភ្នំពេញ ផងដែរ …ដែលសុទ្ធតែនៅជាប់និងជិតក្បាលម៉ាស៊ីនជាងគេ។