២៣ តុលា​ ២០១៣…

 
មកហើយទៅវិញ មកហើយទៅវិញ មកហើយត្រូវទៅវិញសិន ?
 
នៅថ្ងៃនេះ ទី២៣តុលា២០១៣នេះ អោយតែខ្មែរនរណាៗក៏ដឹងដែរថា
នៅទីក្រុងភ្នំពេញនាទីលានប្រជាធិបតេយ្យ អ្នកគាំទ្រខាងគណបក្ស
សង្គ្រោះជាតិកម្ពុជាជាច្រើននាក់បានមករួមជួបជុំគ្នាថាធ្វើមហាបាតុកម្ម
អត់ហឹង្សា…ទាមទាររកយុត្តិធ៌មក្នុងការបោះឆ្នោតថ្មីៗកន្លងមក ដែល
ខាងក្រុមគាត់យល់និងមើលឃើញថាមានភាពមិនប្រក្រតី គឺអយុត្តិធ៌ម!
និងមានគំរោងដើរហែរតាមថ្នល់យកញត្តិទៅដាក់នៅតាមស្ថានទូតនានា
រាប់ទាំងតំណាងអង្គការសហប្រជាជាតិផងអោយគេជួយដឹងលឺឈឺឆ្អាល
ជាមួយ។ រូបភាពខ្លះៗបានថតដាក់ចែកគ្នាមើលនៅប្លក ស្រុកស្រែ
ទាំងពេលព្រឹក និងថ្ងៃត្រង់ ។ កំពុងតែជក់តាមដាន ចង់ដឹងថាតើដំណើរ
ការណ៍នោះកំពុងបន្តទៅយ៉ាងណាយ៉ាណី…ឃើញថាអត់មានអំពើហឹង្សា
អីមែន ហើយបានឃើញនៅទំព័រកោះសន្តិភាពមានដាក់ផ្សាយផងដែរថា
លោក សម រង្ស៊ី ​និង ​លោក កឹម សុខា ប្រកាសឲ្យ​បាតុកររំសាយ
​នៅម៉ោង​៦ល្ងាចនេះ…និង បាន​អំពាវនាវឲ្យ​បាតុករវិលមក​ជួបជុំគ្នា​ជាថ្មី
ទៀ​តនៅព្រឹកស្អែក ​ដើម្បីបន្ត​ធ្វើ​មហាបាតុកម្មអហិង្សា​និងដើរហែជាក្បួន
​យកញ្ញត្តិ​ដាក់ជូនស្ថានទូត​មួយចំនួនដែលនៅ​ប្រចំាក្នុងប្រទេសកម្ពុជា
រាប់ទាំងតំណាងអង្គការសហប្រជាជាតិខាងផ្នែកសិទ្ធិមនុស្សផងដែរ ។
 

 
តាមព៌តមានចុះផ្សាយក្នុងវេបសៃថ៍និងប្លកខ្លះ បានអោយដឹងថាមានបាតុករ
ជាច្រើនដល់រាប់រយឡានខំមកពីខាងខេត្តកំពង់ចាម …ខ្ញុំគ្រាន់តែសាកល្បង
គិតបែបឆោតល្ងង់លេងៗទេថា ចុះបើថាអោយពួកគាត់រំសាយសិនទៅ ស្អែក
ចាំមកទៀត តើពួកគាត់ត្រូវជិះឡានត្រឡប់ទៅកំពង់ចាមវិញសិនរឺ ? ហើយ
បើតែរបៀបហ្នឹង បីថ្ងៃ​ពួកគាត់មិនត្រូវជិះឡានមកទៅវិញ មកទៅវិញ មកហើយ
ទៅវិញដល់ទៅបីត្រឡប់ គិតទៅមិនត្រូវជា៦ជើងហើយ បើរាប់មកមួយជើង
ទៅមួយជើង? ចុះទំរាំបើសាកល្បងគិតទៅដល់ថាបើមានអ្នកខ្លះមករហូតតាំង
ពីខែត្តបាត្តំបង បន្ទាយមានជ័យ ព្រះវិហារ សៀមរាបអី មិនសោហ្លាប់ហើយទេ?
 
…កំពុងចាំមើលតាមដាន តាមដឹងតទៅទៀត !
 

 

---