jump to navigation

ធាត់អត់ក្បាលពោះឡូយជាងស្គម 31/05/2014

Posted by achharia in កំសាន្តកំប្លែង.
Tags:
trackback

 
គេនិយាយលេងផងមែនផងថា អ្នកណាក៏ដោយ អស់លោកណាក៏ដោយអោយតែ
ធាត់សុទ្ធតែ(ធ្លាប់)ភ្លើ ។ គិតៗលេងៗតាមពាក្យគេថាហ្នឹងទៅ ដូចជាត្រូវផស់គេដែរ
ព្រោះអ្នកដែលបណ្ដោយខ្លួនអោយធ្លាក់ខ្លួនដល់ធាត់កន្ទ្រោលបាន ច្រើនតែមិនយល់
ពីមូលហេតុដែលនាំអោយរាងកាយធាត់កាម៉ាប់ដុះក្បាលពោះស្អ៊ុយបាន ដែលជាចំបង
គឺការយល់ដឹងដល់ពីរបបអាហារនិងលំហាត់ប្រាណរាងកាយ ។ រឺដឹងហើយលឺហើយ
នៅធ្វើពើ, មិនទាន់ចាត់ចូលបានថាភ្លើនៅឡើយទេ, ខ្វះឆន្ទៈក្នុងការតមអាហារនិង
ជ្រើសរើសអាហារល្អៗដើម្បីសុខភាពដល់រាងកាយក៏ដូចលំហាត់ប្រាណរឺធ្វើការងារ
បញ្ចេញកំលាំងកាយអោយបានដល់បែកញើសខ្ចាយរលាយខ្លាញ់ពីខ្លួនបាន។ នៅ
ស្រុកគេអ្នកមាន មានថ្នាំ មានប្រដាប់ជំនួយច្រើនសំរាប់សំរក តែក៏ត្រូវចំណាយលុយ
កាក់ទិញវាយកមកលេបមកប្រើប្រាសដែរ ។ …អ្នកតាមដានពីរឿងធាត់នេះខ្លះបាន
រកឃើញថាធាត់មិនមែនដោយសារតែការបរិភោគស្ករ ខ្លាញ់​ ម្សៅ ច្រើនជាងតំរូវការ
នៃរាងកាយនោះទេ កង្វះជាតិអង់ហ្ស៊ីមដើម្បីអោយរាងកាយដុតជាតិខ្លាញ់ស្ករម្សៅ
បំផ្លែងអោយទៅជាកំដៅទ្រទ្រង់រាងកាយ(មេតាបូលីស)ក៏ជាបញ្ហាជាមួួយដែរ ។
… ខ្លះថា មនុស្សម្នាក់ៗកើតមក ទៅតាមពូជតាមអំបូរ(តាមពន្ធុ) ដែលខ្លះកើតមកមាន
រាងរៅស្គមមកស្រេចៗស៊ីផឹកច្រើនប៉ុណ្ណាក៏មិនចេះធាត់,មនុស្សប្រភេទនេះច្រើនមានកំដៅ
រាងកាយក្ដៅជាងគេធម្មតា, ខ្លះកើតមករាងបំរុងតែធាត់កំប៉ោងតែម្ដង ខំតមស៊ីតិចក៏នៅ
តែរវៀសខាងធាត់ឡើងគីឡូលឿន, មនុស្សប្រភេទនេះហើយដែលគេថាមានសាច់​ មាន
ក្បាលពោះអោយត្រជាក់ល្អូកនោះ, ខ្លះទៀតធាត់រឺស្គមទាល់តែពេលខំតមខំសំរកទើប
មានរាងរៅទៅតាមនោះ។
 
យ៉ាងណាក៏ដោយ…
ការចេះគ្រប់គ្រងទំងន់នៃខ្លួនប្រាណ ក៏ដូចថែទាំរូបរាងកាយអោយនៅស្គមសមសូន
មានសុខភាពរឹងប៉ឹងមាំមួនបាន ទោះតាមបែបតមអាហារជ្រើសរើសចំណីល្អៗក្តី តាម
បែបហាត់ប្រាណលេងកីឡាក្តី តាមបែបប្រកបការងារដោយប្រើកំលាំងកាយក្តី រួមផ្សំ
នឹងការតមឈប់ជក់បារីរឺប្រើប្រាសគ្រឿងញៀនបាន ការកំរិតផឹកគ្រឿងស្រវឹងមិន
អោយហួសកំរិតដល់ខូចសុខភាពបាន អាចចាត់ចូលបានថាជាការមានឆន្ទៈមោះមុត
គ្រាន់បើហើយ។ ផ្ទុយទៅវិញ អ្នកបណ្ដែតបណ្ដោយអោយ រូបរាងកាយក្លាយជាធំធាត់
ហួសប្រមាណ បណ្ដាលអោយកើតជាជំងឺផ្សេងៗបានដោយសារតែខ្លាញ់ ស្ករក្នុងខ្លួន
ច្រើនពេកនោះ ត្រូវបានគេនិយាយបញ្ឈឺឌឺដងចំអន់ចំអកឡកលើយដាក់អោយថា…
នរណាក៏ដោយ អោយតែធាត់ សុទ្ធតែភ្លើ ! (ចង់ថាគ្រលាស់មកវិញក៏នៅតែត្រូវដែរ
ទោះជាថាមិនភ្លើរហូតរាល់តែដងទេ ក៏គង់តែធ្លាប់ភ្លើម្ដងៗដែរ ។ បើមាននរណាប្រកែក
ហៅស្បថ ស្បថបើមាន ! ខ្ញុំហ៊ានថា ! 😀 )
 
ខាងក្រោមនេះ ជាការបង្ហាញរាងអ្នកធាត់ៗតែអត់មានក្បាលពោះស្អាតៗឡូយៗផស់គេ
 

 


 

មតិ»

1. Somada Vsthea - 16/06/2014

ខានជួបយូហើយ​នៅតែខិលអាដែលលោកពូ ។ សុខសប្បាយទេលោកពូ?

achharia - 17/06/2014

ខ្ញុំបានសុខសប្បាយជាធម្មតាទេ សុខច្រើនជាងសប្បាយ។
អរគុណក្មួយច្រើនហើយបានមកអើតនិងសួរសុខទុក្ខ ។
រាល់ថ្ងៃខ្វល់តែរឿងធាត់ហួស ធ្ងន់ហួសកំពស់ ខូចរាងអស់
(កំពស់តែ១,៧៦មែត្រ ទំងន់ខ្លួនធ្ងន់ហួសដល់៩២គីឡូក្រាម)
ចង់តម មាត់ចេះតែឆ្ងាញ់ ចិត្តចេះតែអធ្យាស្រ័យអោយខ្លួនអែង
ថាចាំស្អែកៗ.. ពេទ្យអោយដំបូន្មានថាអោយខំសំរកដល់ ៨៧គីឡូ
ហើយបើតាមក្បួន ខ្ញុំគួរតែមានទំងន់ត្រឹម ៧៦គីឡូ គឺលេខគីឡូត្រូវ
នឹងលេខកំពស់ដក១មែត្រចេញយកតែខ្ទង់សង្ទីមែត្រ រឺបើលើសយ៉ាង
ច្រើនថែមត្រឹម១០% គឺអាចដល់ ៨៤គីឡូ បានហើយ ។
… ដឹងហើយ នៅតែបណ្ដោយអោយធាត់ហួស ពិតជាភ្លើមែន !

ក្នុងជំពូក កំសាន្តកំប្លែង នេះ ខ្ញុំចេះតែរកនឹកសរសេរថែមថយ
នូវពាក្យត្រឡកកំប្លែងខ្លះ ដើម្បីបានកំសាន្តខ្លះផង យ៉ាងហោច
ក៏បានលួចសើចម្នាក់អែងផងដែរ ពេលទំនេរចូលអានឡើងវិញ
ម្ដងៗ ។ បើគ្មានរឿងខិល បានអីសើច …ហើយបើគ្មានសំណើច
ខ្លះៗក្នុងការរស់នៅ តើវាជាជីវិតបែបណាទៅ ? ក្រញ៉ូវមុខអស់ !
សង្ឃឹមថា​ក្មួយនិងក្រុមគ្រួសារ
កំពុងបានសុខហើយបានសប្បាយដែរហើយ 😀


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: