រូបកំប្លែង |

ញញឺម មានច្រើនយ៉ាង 11/05/2012

Posted by achharia in កំសាន្តកំប្លែង, ផ្សេងៗ, រូបកំប្លែង.
Tags: កំសាន្តកំប្លែង, ផ្សឹងៗ, ផ្សេងៗ, រូបកំប្លែង
12 comments

រូបមើលលេងកំសាន្ត កំដរប្លក

ញញឹមមានច្រើនយ៉ាង ។ ក្រៅពីញញឹមអឹមអៀនកៀនជញ្ជាំងមានដូចជា

ញញឹមប្រឹមប្រីយ៍

ញញឹមប្រឹមប្រីយ៍រាក់ទាក់យ៉ាងស្មោះអស់ពីដួងចិត្ត

ញញឹមស្ញាញ

ញញឹមស្ញាញ(មើលឃើញចិអញ្ចាញ)

ញញឹមខ្ជឹប

ញញឹមខ្ជឹប(រឹបបូរមាត់យ៉ាងតឺង)

តាមធម្មតា មន្តស្នេហ៍ក៏លេចចេញមកជាមួយនឹងភាពញញឹមដែរ ទោះបីវានៅ
លាក់ពួនបាំងបាត់ស្ងាត់ឈឹងពីក្រោយភាពឈឺចាប់ស្រពាប់ស្រពោនក្រៀមក្រំ
យ៉ាងណាក៏ដោយ គឺអ្នកខ្លះមុខជូរៗស្អុយៗដូចបៀបទុក្ខព្រួយជាប់ជានិច្ច តែដល់
ពេលញញឹមបានអោយគេឃើញស្អាត គឺស្រាប់តែស្អាតដាច់គេក៏មាន។ អ្នកខ្លះ
ពូកែញញឹមអាចយកភាពញញឹមនេះទៅបិទបាំងគ្របដណ្ដប់បានយ៉ាងជិតឈឹង
ស្លុងស្លិបនូវក្ដីឈឺចាប់ទុក្ខព្រួយ ក្តីអាម៉ាស់ ភាពភ័យខ្លាច និងភាពបរាជ័យនានាផង
ដែរ។ ជាងនេះទៅទៀត អ្នកខ្លះពូកែញញឹមអាចប្រើផ្កាញញឹមនេះទៅបោកប្រាស
គេអែង បញ្ឆោតអ្នកដទៃដើម្បីផលប្រយោជន៍ផ្ទាល់ខ្លួនបានយ៉ាងមានប្រសិទ្ធភាព
បំផុតក៏មាន។ ជាពិសេស គេក៏អាចសំលាប់ចិត្តមនុស្សបានដោយប្រើភាពញញឹម
នេះដែរដោយមិនបាច់ចំណាយទុនអីច្រើនផង។ មែន!ញញឹមដាក់គេមានអស់
លុយអែណា តែបើឃើញគេញញឹមដាក់ សូមប្រយ័ត្នប្រយ៉ែងជាមួយផង កុំទុក
ចិត្តពេក។ តើវាអាចជាញញឺមប្លាស្ទិក? រឺញញឹមមែនទែនដ៏ស្មោះអស់ពីដួងចិត្ត?

តើវាជាប្រភេទញញឹមបែបណា គេប្រើវានៅពេលណា? សូមអ្នកគិតគូរពិចារណា
ក្នុងបណ្ដាញញឹមដូចរៀបរាប់ត្រួសៗខ្លះៗខាងក្រោមនេះ ៖

ញញឹមទុកស្អែក ញញឹមទុកថ្ងៃក្រោយ ញញឹមយល់ព្រម ញញឹមកក់បញ្ខាំចិត្ត
ញញឹមទាក់ម៉ូយ ញញឹមលក់អីវ៉ាន់ ញញឹមឆោងលុយ ញញឹមហុចអំណោយ
ញញឹមសុំស៊ីញេ ញញឹមលាគ្នា ញញឹមជួបគ្នា ញញឹមបដិសេដ្ឋ ញញឹមបំបាត់ភ័យ
ញញឹមលាក់ទុក្ខ ញញឹមបន្លប់ខ្មាស់ ញញឹមអឹមអៀន ញញឹមកៀនជញ្ជាំង ញញឹម
ងាកក្រោយ ញញឹមលេងៗ ញញឹមទុកក្នុងចិត្ត ញញឹមត្រេកអរ ញញឹមចំអកឡកលើយ
ញញឹមសល់ពីណាពីណី ញញឹមដាក់កាមេរ៉ា ញញឹមអែងៗ ញញឹមញញែម ញញឹម
ពព្រាយ ញញឹមស្ញាញ ញញឹមស្ញិញ ញញឹមញេញធ្មេញដាក់ ញញឹមក្រវីក្បាល
ញញឹមវាយចិញ្ចើម ញញឹមអរគុណ ញញឹមរាក់ទាក់ ញញឹមប្រាវៗ ញញឹមដល់ត្រើយ
ញញឹមហួសចិត្ត…ញញឹមដូចម្នាក់ឈ្មោះជឺមទាំង…~~ទាំងព្រឡយ~~ទាំងញញ៉យ។ល។
😀