ទូតចិននៅខ្មែរចេះសៀមរ៉ុល 15/02/2011
Posted by achharia in នយោបាយនិងនយោបោក, ផ្សេងៗ.trackback
ខ្មែរមាងផូវឡូវ(មានផ្លូវ)កាន់តែច្រើនហើយ
តាមរយៈវីឌីអូដែលថតបន្តពីប៉ុស្ត៍ទទកនិងបានដាក់ចែកចាយអោយមើល
នៅទំព័រ www.khmerlive.tv ក្នុងពិធីបើកការដ្ឋានធ្វើផ្លូវជាតិលេខ ៥៩
កាលពីថ្ងៃទី១៥កុម្ភៈ២០១១នេះ ឃើញមានការចូលរួមពីនាយទាហានថៃ
និងមន្ត្រីសៀមពីខេត្តស្រះកែវក៏មកចូលរួមផងដែរ ។ មើលវីឌីអូហ្នឹងចប់
មួយចប់ អ្នកពូកែស្ដាប់នឹងវិភាគក៏នឹងបានដឹងដែរថាតើបញ្ហាព្រំដែននៅ
តំបន់ទំនាស់៤.៦ គ.ម.ក្រឡាក្បែរប្រសាទព្រះវិហារនោះ វានឹងទៅជាធ្ងន់ធ្ងរ
ឬធូរស្រាលនៅពេលខាងមុខ ។ បើតាមខ្ញុំគិតស្មាន ដូចមិនអីទេមើលទៅ ។
នៅផ្នែកខាងចុង ឃើញទូតចិនដែលនៅស្រុកខ្មែរយើងនោះចាក់ភាសាសៀម
មួយប្រាវជាមួយសៀមដែលមកចូលរួមនោះឡើងរ៉ុល ហើយគាត់ក៏ប្រហែល
ចេះខ្មែររ៉ុលដែរក៏មិនដឹង។ ខ្មែរយើងខ្លះកំពុងជេរប្រទេចសៀមឡើងកប់ៗមាត់ !
តាមពិត ខ្មែរនិងសៀម មិនទាន់ដល់ថ្នាក់ឃើញគ្នាមិនបានឯណា ។ ណ៎!
លោកឧបនាយករដ្ឋមន្ត្រីថៃ ក៏នឹងមកស្រុកខ្មែរដែរ តាមស្ដាប់ឭក្នុងវីឌីអូនេះ ។
បើមិនជឿ សូមចុចមើលវីឌីអូនឹងវិភាគខ្ឡួនឯងចុះ ហើយប្រាប់ខ្ញុំខ្លះផងក៏បាន ។
មកលេងផ្ទះបងឥលូវទាល់តែត្រូវជិះទូកបានបាន 😀
មួយរយៈនេះសុខសប្បាយទេបង? ចំនែកញ៉ុមវិញ ទើបតែប្រលងចប់ ដូចធូរខ្លួន តែទើបតាឈប់បានម៉ាង៉ៃពីរ ដូចជាចាប់ផ្តើអផ្សុកហើយឥលូវ 😀
ខ្ញុំសុខសប្បាយជាទេ វិសាល, អរគុណ !
បងដឹងថាប្អូនជាប់ប្រលងដែរ មិនហ៊ានជួយបន់ព្រះទេ
កុំអោយថាដល់ជាប់ដោយសាព្រះជួយ 🙂 ។ បងជឿថាប្អូន
នឹងបានជាប់ បានជោគជ័យដោយសាសមត្ថភាពប្អូនមិនខាន ។
នៅក្នុងអ៊ិនធើណិតសំបូរអ្វីៗដែលបំបាត់ការអផ្សុកណាស់
តែចូលហើយជក់មិនងាយរកកន្លែងចេញវិញទេ …ជាភិភពលោក
ថ្មីដ៏ពិសិដ្ឋមួយដែលយើងអាចប្រស្រ័យទាក់ទងគ្នាបានដូចនេះ ។
អរគុណប្អូនបានចូលលេង និងសួរសុខទុក្ខបង
សង្ឃឹមថាប្អូនកំពុងបានសុខសប្បាយដែរហើយ ។
បាទអរគុណ។ មែនហើយញ៉ុមក៏ទទួលស្គាល់ថាចឹងដែរ បានចូលហើយលែងចេញហ្មង 😀 តែគ្រាន់តែពេលខ្លះក៏អត់អផ្សុកដែរ ពេលដែលអត់មានគ្នា ស្ងាត់អោយឈឹង។
តាំងពីសម័យអ៊ិនធើណិតមក គិតទៅម្នាក់ៗរស់បាន
តែ៧០%នៃអាយុពិតប្រាកដលើភពផែនដីនេះទេ ចំណែក៣០%ទៀតគឺរស់នៅក្នុងភពអ៊ិនធើណិត 🙂
ខ្លះញៀនមែនទែនដល់ថ្នាក់ភ្លេចប្តី ខ្លះភ្លេចប្រពន្ធ…
ទៅជាឈ្លោះទាស់ទេងលែងលះគ្នាក៏មិនតិចហើយ
ដែរ ដោយសាតែអ៊ិនធើណិតនេះ ។
មកលើកនេះ បាត់ទឹកអស់អាលីង សល់តែជញ្ជាំង 😀
លឺថាមានការផ្អាកឈប់បាញ់គ្នាហើយ
ក៏ឡើងគោកស្ដាប់រឿងបន្ត ។ តែក៏នៅ
មិនទុកចិត្ត១០០%ដែរ ទ័ពសៀមនៅតែ
ថែមច្រើនដដែល ក៏រកអិដ្ឋមកដាក់ការពារ
ខ្លះៗទៅ …
ពេលបាញ់គ្នាបើមិនគេចមិនពួនខ្លាចអី ? 🙂
អស្ចារ្យមែន ផ្ទះបងនៅក្រោមទឹក!
អរគុណប្អូន ឡុង ខំជ្រមុជមកលេងបង ។
ព្រោះបងខ្លាចគេបាញ់គ្នា ផ្លោងដាក់គ្នានៅម្តុំព្រេះវិហារហ្នឹងណាស់
បងខ្លាចសង្គ្រាម បាក់ស្បាត លែងជឿពីគោលបំណងនៃសង្គ្រាម ។
នឹកឃើញកាលនោះ មិត្តរួមថ្នាក់បង គ្រួនឹងសាស្ត្រាចារ្យ លឹសូរតែ
មានការឈ្លានពានពីសំណាក់វៀតកុង បាននាំគ្នាស្មគ្គចិត្តចូលធ្វើ
ទាហានបំរើជាតិការពារបូរណភាពទឹកដី …ក្រោយមកពួកគាត់បាន
ពលីជីវិតអស់គ្មានសល់ដើម្បីជាតិ តែត្រូវបានពួកប៉ុលពតជេរប្រមាថ
ថាជាពួកកញ្ជះចក្រព័ត្រអាមេរិកទៅវិញ ជីវិតស្លាប់ហាក់ដូចជាគ្មាន
ន័យ …គ្មានន័យអ្វីរហូតមកទល់ពេលបច្ចុប្បន្ននេះដែរ ។ ក្រោយមក
ពលីកម្មជីវិតយុវជនស្នេហាជាតិរបស់ពួកខ្មែរក្រហមអស់រាប់ម៉ឺននាក់
ក៏ជាការស្លាប់ដោយគ្មានន័យដែរ។ ដូចគ្នាពួកប៉ារ៉ានៅជំរំទល់ដែន!
…អីឡូវតតាំងជាមួយសៀមនៅម្តុំព្រះវិហារម្ដង ចុះដល់បន្តិចទៀត
មេៗប្រទេសទាំងពីរចាប់ដៃអោបគ្នា ថើបគ្នាតាមបែបអឺរ៉ុបឆ្វេងស្ដាំ
ជល់កែវស្រាជាមួយគ្នា សំដែងសក្ខីនៃមិត្តភាពនិងសហការគ្នាក្នុង
នាមជាសមាជិកនៃអាស៊ានដូចគ្នា រកស៊ីជាមួយគ្នា…អ្នកដែលបាន
ស្រែកជេរសៀមឈ្លានពានពេញមាត់ហើយ មិនអៀនមាត់ទេ ?
ដូចគ្នា ប្តីប្រពន្ធ បើមិនបំរុងលែងលះគ្នាអោយដាច់ដដែលជាដដែល
កុំឈ្លោះគ្នាយូរនាំតែខាតពេលសំរាប់ល្អូកល្អឺនជាមួយគ្នា ។
…សូមអធ្យាស្រ័យផងប្អូនឡុង ។ ថ្ងៃនេះដាក់មួយកូនតយ រាងបែក
ជាអូរហូរជាស្ទឹងបន្តិចហើយ កុំសូវជឿបងយកជាការពេកណា ។
អរគុណ !
មិនមែនផ្ទះនៅក្រោមឬទឹកទេ រូបភាពរញ្ជួយទទ្រាក់ទទ្រើតនេះបង្ហាញថា achharia កំពុងមានភ័យញ័របុកពោះភឹបៗ និងត្រូវការជំនួយពីញាតិញោមទេដឹង ?
ទូតចិនហ្នុងគាត់ចេះថៃព្រោះគាត់ធ្លាប់ធ្វើការនៅបាងកក ។ តើគាត់ចេះខ្មែរឬអត់?
មែនហើយ! នរណាក៏ធ្លាប់លឺដែរពាក្យចាស់ថា
អ្នកហ៊ានស្បែកដាច អ្នកខ្លាចស្បែកគង់ ។
និងចំរៀងខ្មែរយើងមួយវគ្គដែរ គេច្រៀងថា
…ក្របីស៊ីស្រូវបងមិនសូវហ៊ានដេញ
ក្របីដើរចេញបងដេញអោយស្រីមើល …។ល។
ឆាវៗជាមេទ័ពដ៏មានកំពូលល្បិចនិងតាក់ទិចចំបាំង
ក្នុងរឿងសាមកុក ដល់ពេលចាញ់ក៏រត់ផាស់ក្រញ៉ាំ
ដែរ ។ មិនមែនឆាវៗកំសាកទេ តែឆាវៗឆ្លាតវៀងវៃ !
ពេលចាញ់បើមិនរត់(រកជំនួយ) ខ្លាចអី ? ហេហេ៎ !
ជួនកាលការមិនតបតក៏ជាការតបតមួយដ៏ល្អនិង
មានប្រសិទ្ធិភាពបំផុតដែរ ។
តើគាត់(ទូតចិននៅខ្មែរ ២០១១)ចេះខ្មែរឬអត់?
តាមទស្សនៈរបស់លោក ម៉ៅ សេទុង គាត់ថា
បើចង់ដឹងថាត្របែកមានរសជាតិយ៉ាងណា
ខាំវាមួយក្រុបសាកមើលទៅ នឹងដឹងច្បាស់ជាង
គេនិយាយរៀបរាប់ប្រាប់ រឺគ្រាន់តែឡាគេធឺ 🙂
បើចេះភាសាណាមួយហើយធ្វើពើជាមិនចេះ
ចាំស្ដាប់គេនិយាយដើមអ្វីខ្លះពីខ្លួនបាន ពីទាំងល្អ
ពីទាំងអាក្រក់ ក៏ដូចបានសប្បាយម្យ៉ាងដែរ ។